CORNELIA BOEHLER | TEXTE | BÜCHER

Pompös

S’erscht Schtuck hätt er ächt  pompös gmacht und mich gfröged, ob mir dä Saund rächt seig, mir hätts gfalle - und wiä!

Ä Hauptprob hämer no im Jugi ghaa, dänn isch dä Tag vo dä Uuffüerig cho. Am Sächsi hani müess s'Jugi go iiheize, am Sibni lütet dä Marcus a, es seig en Vercheerszämebruch und am Achti  hämer beschlosse, na e Schtund in ä Baiz z'hockä bis mer chönd aafange. Mir faared also id „Sunne“ und läsed det, si siig zue. Ächt muff simmer wider iigschtige und mit grossem Palaver hämmer an anders Ort muesse sueche. Wommer so richtig am Uusrüefe sind und ich luut säg "Marcus, was mainsch du, wohere gömmer ietzt?" und kei Antwort überchumm, merked d'Gabriela und ich, dass dä Marcus gaar nüd hine ine hockd. Wo isch er dänn, hämmir dä würkli staa laa? Mir bräched völlig zäme, lached hysterisch bis zum Brüele, chered um und ladet dä Marcus dasmal richtig ii.

I dä nächschte Baiz hätts kän Schtuel mee frei und so bschtelled mer dä Whisky uf em Tablett und schtönd i dä Egge, wo'd Zigarette- und d'Spielautomate sind, erholed öis e bitzli und tuubed dänn ab. Uf d'Büüne und loos. Bim Mawashi Geri bini fascht umgheit und d'Gabriela hätt gmeint sie mües versticke vor Chlämmi, dä Marcus isch waansinnig luut gsi mit sim Synthi, was susch nüd sini Art isch, aber alles isch guet worde, s'Volch hätt gklatschet nach jedem Gedicht. Das isch si dänn gsi, miini erscht performence mit dä Gedicht.

Foto Daniel Ramsauer

CORNELIA BOEHLER | TEXTE | BÜCHER

Copyright Foto und Text Cornelia Boehler

Kontakt

Cornelia Boehler , geb. 1943 in Zürich

Aufgewachsen im kinderreichen Quartier Friesenberg. Mit vierzehn Tagebuch für die Jugendseite des Tages-Anzeigers Zürich, Handelsschule, Tätigkeit im Marketing. Redaktionsmitglied der Gemeindezeitung, Korrespondentin beim Anzeiger von Uster. Seit 1985 Autorin. Von 1988 bis 2003 Inszenierungen von Texten mit Gestik und Musik in Kulturcafés, an Ausstellungseröffnungen, in Clubs und Konzertlokalen in Zürich und Umgebung, Baselland, Bern sowie in Darmstadt und Giessen/Deutschland.

CORNELIA BOEHLER

TEXTE | BÜCHER

CORNELIA BOEHLER

TEXTE | BÜCHER